जिल्ला हुलाक कार्यालय झापा

नेपालमा चिठीपत्र मार्फत खबर, सूचना र समाचार आदान-प्रदान गर्ने उद्देश्यले तत्कालीन राणा प्रधानमन्त्री रणोदिप सिंहको पालामा विक्रम सम्बत्‌ १९३५ मा नेपाल हुलाक घरको स्थापना भई हुलाक सेवाको प्रारम्भ भएको पाइन्छ र यो संस्थाले सन्‌ १९७४ मा विश्व हुलाक संघको सदस्यता प्राप्त गरेपछि विश्व मञ्चमा नेपाल हुलाक सेवाको उपस्थिति भई नेपालमा अन्तर्राष्ट्रिय हुलाक सेवाको पहुँच सम्भव भएको हो । यस जिल्लामा स्थापना कालदेखि २०२४ साल सम्म हुलाक घरको नामबाट सञ्चालन हुँदै आएकोमा सञ्चार माध्यमहरु मध्ये पुरानो ईतिहास बोकेको हुलाक सेवालाई थप व्यवस्थित, प्रभावकारी र जनमूखी बनाउन नेपालमा हुलाक सेवा ऐन,२०१९ जारी भए पश्चात वि.सं. २०२४ सालदेखि झापा जिल्ला हुलाक कार्यालयको नामबाट हुलाक सेवा सञ्चालन हुँदै आएको पाईन्छ ।